Asnjë humbje jete nga Covid në Shqipëri, sa raste të reja janë regjistruar brenda 24 orëve

[ad_1]

Asnjë fatalitet nuk ka pasur në 24 orët e fundit, sa i takon situatës së shkaktuar nga Covid në vendin tonë. Ndërsa sa i takon rasteve të reja, janë regjistruar 42 të tilla. Kujtojmë se masat anti-covid janë lehtësuar ditët e fundit në Shqipëri pasi është hequr edhe orari i kufizimit të lëvizjeve.

Njoftimi i Plotë:

COVID19/ Ministria e Shëndetësisë: 663 testime, 42 qytetarë të infektuar, asnjë humbje jete dhe 89 të shëruar në 24 orët e fundit

Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve. Vaksinat antiCOVID reduktojnë mundësinë e infektimit dhe shmangin në shkallë të lartë hospitalizimet dhe fatalitetet.
Çdo qytetar mbi 12 vjeç, mund të vaksinohet në qendrën shëndetësore ose në pikën më të afërt të vaksinimit të përqëndruar. Vaksinimi është i hapur edhe për fëmijët +12 vjeç me probleme të sistemit imunitar, me rekomandim nga mjeku.
MSHMS apelon të gjithë qytetarët e vaksinuar me dy doza, të drejtohen në qendrat shëndetësore ose pikat e vaksinimit të përqëndruar, për t’u vaksinuar me dozën e tretë përforcuese, sipas rekomandimit të mjekut të familjes.
Nëse dyshoni se jeni të prekur nga COVID19 apo keni shenja të sëmundjes, izolohuni menjëherë dhe kontaktoni me mjekun tuaj të familjes për t’u testuar sa më parë ose telefononi Urgjencën Kombëtare në numrin unik 127.
Ju informojmë për situatën në 24 orët e fundit, si vijon: Janë kryer 663 testime, nga të cilat kanë rezultuar pozitivë me COVID19, 42 qytetarë, në këto bashki:
19 në Tiranë, nga 3 qytetarë në Fier, Durrës, nga 2 qytetarë në Lushnje, Vlorë, Gjirokastër, nga 1 qytetar në Elbasan, Konispol, Sarandë, Delvinë, Himarë, Mallakastër, Krujë, Kurbin, Mirditë, Kukës. Shkodër.
Janë 819 pacientë aktivë me COVID-19 në të gjithë vendin.
Aktualisht në spitalet COVID po marrin trajtim 43 pacientë, nga të cilët 5 janë në gjendje më të rënduar. Në 24 orët e fundit nuk ka asnjë humbje jete me SARS-COV2 pozitiv
Janë shëruar 89 qytetarë gjatë 24 orëve të fundit, duke e çuar numrin e të shëruarve në 268,359 që nga fillimi i epidemisë.

Statistika (13 Mars 2022)
Raste të reja ditore 42
Të shëruar në 24 orë 89
Të shtruar në spitale 43
Humbje jete në 24 orë 0
Testime ditore 663

Testime totale 1,760,359
Raste pozitive 272,663
Raste të shëruara 268,359
Raste Aktive 819
Humbje jete 3,485

Shpërndarja gjeografike e rasteve aktive sipas qarqeve:

Tiranë 285
Fier 173
Shkodër 80
Kukës 68
Vlorë 64
Lezhë 34
Durrës 25
Korçë 24
Elbasan 23
Gjirokastër 21
Berat 19
Dibër 3

loading…

[ad_2]

Source link

Leave a Reply

Your email address will not be published. Required fields are marked *