(Lajm i përditësuar)
Hoxhaj: Kurti e ka përmbysur pakon, me vdekjen e Ahtisarit po vdes edhe plani i tij
Nënkryetari i PDK-së , Enver Hoxhaj tha në emsionin “Click” në RTV21 tha se se si opozitë i kanë bërë me dije kryeministrit, Albin Kurti se e ka përmbysur pakon e Ahtisarit.
“Që mbi gërmadhat e Ahtisarit po e ndërton një autonomi të re dhe ky për neve është një shqetësim serioz, që me vdekjen e Ahtisarit po vdes dhe plani i tij, nëse Ahtisari është varrosur para dy tri javësh tash po varroset edhe plani i tij”, tha Hoxhaj.
Ai shtoi se duhet të ketë debat politik mes opozitës dhe Qeverisë se si po lexohet ky dokument, po ashtu sipas tij duhet të ketë një debat edhe me partnerët ndërkombëtarë.
“ Në frymën e asaj që nëse partnerët tanë kërkojnë që të zbatohet një gjë e tillë, atëherë cilat janë përfitimet e Kosovës?.”, tha Enver Hoxhaj.
Hoxaj: Kërkesa e serbëve për pushtet të tretë që e refuzuam në Vijenë, është sot në tavolinë
Nënkryetari i PDK-së Enver Hoxhaj tha në emsionin “Click” në RTV21 tha se draft-statuti i Asociacionit i publikuar në media, është pika më e ulët e politikës së Kosovës. Sipas tij ky draft është një kontratë e re mes shumicës shqiptare dhe pakicës serbe.
“Në mënyrën se si e lexoj si dikush që ka qenë në negociata në Vijenë ky është mi Kushtetutën, është përtej Kushtetutës”, tha Hoxhaj.
“Unë kam qenë në negociata në Vijenë në 2006-2007, ambasadori amerikan është një mik fort i cmuar dhe mbështetës i Kosovës, i cili ka qenë së bashku me mua po ashtu në negociata në Vijenë , unë e di se cfarë kanë propozuar serbët në vitin 2006- 2007, dhe atë se cfarë ne e kemi refuzuar në Vijenë tash është në tavolinë ….jo Asociacioni , në vitin 2006- 2007 ne kemi pasur kërkesë nga ana e Serbisë që të ketë pushtet të tretë në Kosovë dhe të kishim një territorializim të të drejtave të komunitetit serb në Kosovë, dhe po ashtu është një pushtet i tretë de facto.”, shtoi Hoxhaj.
Hoxhaj thotë se draft-statuti i Asociacionit nuk do duhej të mbahet i fshehur
Nënkryetari i PDK-së, Enver Hoxhaj tha në emsionin “Click” në RTV21 se draft statusi i Asociacionit nuk do të duhet të mbahet i fshehur, por sipas tij do duhej të bëhej një debat publik lidhur me këtë.
“Unë mendoj se në këtë vend për një temë kaq të madhe nuk do të duhej të mbahet msheft drafti, nuk do të duhej ta kemi një situatë që kryeministri nuk jep llogari, nuk ka transparencë, por duhet të ketë debat të mirëfilltë politik, duhet të ketë transparencë “, tha Hoxhaj.
Ai shtoi se debati se i kujt është faji nuk i shërben vendit
“Debati duhet të jetë se cka përfiton Kosova shtesë”, shtoi Hoxhaj,/21Media
