Tifozët janë grumbulluar në rrugët e kryeqytetit në pritje të zhvillimit të ndeshjes së fundit eleminatore për Euro 2024, mes Shqipërisë dhe Ishujve Faore. Kuqezinjtë e siguruan kualifikimin në barazimin me Moldavinë të premten në transfertë. Kjo është hera e dytë që kombëtarja shqiptare do të marrë pjesë në një kampionat europian. Tifozët tashmë kanë filluar festën e tyre para ndeshjes.
Gazetarja e Fax News, Alesia Dosti raporton nga Bulevardi “Dëshmorët e Kombit” ku mijëra kuqezinj janë duke kënduar e kërcyer për suksesin e kombëtares. Sfida e sotme do ta gjejë stadiumin “Air Albania” plot e përplot pavarësisht një kundërshtari si Ishujt Faroe.
Policia e shtetit ka marrë masa për mbarëvajtjen e sfidës para, gjatë dhe pas saj. Menjëherë pas mbarimit të ndeshjes do të ketë edhe një festë në stadium me lojtarët deri në orët e vona me këngë dhe valle shqiptare.
Sa i përket takimit, trajneri Sylvinho bëri me dije se do të ketë disa zëvëndësime nga ndeshjet e tjera. Pritet të aktivizohen Muçi, Bare dhe Uzuni.
