Në fshatin Baltëz në Fier, disa persona kanë tentuar të vjedhin në banesën e shtetasit Sokol Bajgora, 54 vjeç. Mëngjesin e sotëm hajdutët hynë në banesë dhe dhunuan 54-vjeçarin, por nuk arritën të merrnin gjë nga shtëpia.
Shtetasi i dhunuar u dërgua në spital, ku ndodhet nën kujdesin e mjekëve jashtë rrezikut për jetën. Ndërkohë policia ka shoqëruar në Komisariat disa persona, që po merren në pyetje.
Sakaq, një grup hetimor po vijon punën intensive për zbardhjen e plotë të rrethanave ë ngjarjes, si dhe identifikimin dhe kapjen e autorëve.
Njoftimi i Policisë:
Fier
Në orët e para të mëngjesit të sotëm, në fshatin Baltëz, shtetas ende të paidentifikuar kanë hyrë për të vjedhur në banesën e shtetasit S. B., 54 vjeç, ku kanë ushtruar dhunë ndaj 54-vjeçarit dhe nuk kanë vjedhur asgjë.
Për shkak të dëmtimeve, shtetasi S. B. po merr asistencë mjekësore, në spital, dhe është jashtë rrezikut për jetën.
Në vijim të veprimeve hetimore dhe procedurale për rastin, janë shoqëruar në Komisariatin e Policisë Fier, disa shtetas që po merren në pyetje, me qëllim zbardhjen e ngjarjes.
Gjithashtu, është ngritur një grup i posaçëm hetimor, i cili vijon punën intensive, në drejtimin e Prokurorisë, për zbardhjen e plotë të rrethanave të ngjarjes, si dhe për identifikimin dhe kapjen e autorëve.
